ಗೌಣ

ಅಣತೆಯ ಅಡಿ ಬೆಳಕ ಹುಡುಕೊ
ಮಳೆಮೋಡದ ನೆಲೆಯ ಹುಡುಕೊ
ಮಿಂಚುಹುಳದ ಕಥನ
ಮೌನ ಮನದ ಕವನ

ಜಗದ ವ್ಯವಹಾರ ಮರೆಸೊ
ಸಮಯದ ಉಪಹಾರ ಬಯಸೊ
ಹೃದಯ ಜನ್ಯ ಪ್ರೇಮ
ದೊರಕದಿದರ ಉಪಮ

ಕಂಗಳಲ್ಲೆ ಕಾವ್ಯ ರಚಿಸೊ
ತುಟಿಗಳ ನಿಜಕೃತವ ಕಲಿಸೊ
ಮನೋಕ್ತಿಯ ಪ್ರವಾಹ
ಶರಧಿ ಸವಿಯೊ ದಾಹ

ಗುಣಗಳ ಗೆರೆ ಗೌಣಮಾಡಿ
ಪ್ರಣಯದ ಗರಿ ಸಡಿಲಮಾಡಿ
ಅನುಮಾನವಳಿಸೊ ಆಟ
ಸೂತ್ರ ಕಡೆದ ಗಾಳಿಪಟ

ದೂರ ಸರಿದ ಕಾಂತದಂತೆ
ಎಲ್ಲೆಡೆ ಅದೆ‌ ಬ್ರಾಂತಿಯಂತೆ
ಅನುರಾಗವೆ ಗುರುತ್ವ
ಧರಣಿ ಪೊರೆಯೊ ತತ್ವ